Bono Deporte Xunta de Galicia

Os bonos estarán dispoñibles na web www.bonodeporte.gal para a súa descarga desde o 8 de xaneiro de 2024

A Xunta de Galicia ven de lanzar o Programa Bono Deporte, unhas axudas para a promoción da actividade deportiva en idade escolar. Esta achega ten por obxecto axudar as familias nos gastos derivados da práctica deportiva dos nenos e nenas con idades comprendidas entre os 6 e 16 anos federados ou inscritos no programa Xogade e fomentar, consecuentemente, a práctica do deporte en idade escolar na Comunidade Autónoma.

Subvenciónase a compra de material e equipamento deportivo para o menor, así como a contratación de servizos relacionados coa práctica da actividade deportiva, entendéndose expresamente incluída entre estes servizos a cota de clubs deportivos, a través do Bono Deporte e nos establecementos comerciais, entidades deportivas e prestadores de servizos de Galicia adheridos ao programa.

Para a obtención dos bonos, cada persoa beneficiaria deberá darse de alta na web www.bonodeporte.gal. Cada bono terá un valor de ata 120€ que terá a consideración de bono desconto do 80% da compra ou servizo adquirido. O importe do bono irase reducindo en función do valor da compra realizada. O bono poderá usarse ata o seu esgotamento e durante o prazo de validez (desde a súa descarga ata o 1 de xullo de 2024, salvo esgotamento previo do seu saldo).

Enlace do anuncio do DOG https://www.xunta.gal/dog/Publicados/2023/20231211/AnuncioG0690-041223-0002_gl.html